Ռուսաստանի մայրաքաղաք Մոսկվայում ավարտվել է Aeroflot Open շախմատի միջազգային մրցաշարը։

Հայաստանի ներկայացուցիչներից լավագույն արդյունքը գրանցել է Հայկ Մարտիրոսյանը, որը վաստակել է 6.5 միավոր և բաժանել 2-5-րդ տեղերը։ Լրացուցիչ ցուցանիշներով հայ գրոսմայստերը զբաղեցրել է չորրորդ տեղը:

Aeroflot Open-ում մրցանակային էին 1-15-րդ տեղերը: Մրցաշարում հաղթել է իրանցի գրոսմայստեր Ամին Տաբատաբայը, որը 9 հնարավորից վաստակել է 7 միավոր: Իրանցուն մրցաշարի շրջանակում հաղթել է միայն միջազգային վարպետ Արսեն Դավթյանը:

Մանուէլ Պետրոսյանը 6 միավորով զբաղեցրել 7-րդ տեղը: Սամվել Տեր-Սահակյանը նույնպես վաստակել է 6 միավոր, սակայն լրացուցիչ ցուցանիշներով գրավել է 16-րդ տեղը: Պատանի շախմատիստներ Էրիկ Հակոբյանը և Էրիկ Գասպարյանը մրցաշարի շրջանակում լրացրել են միջազգային վարպետի նորման:

Aeroflot Open մրցաշարին մասնակցած բոլոր հայ շախմատիստների արդյունքները

• Հայկ Մարտիրոսյան՝ 6.5 միավոր
• Մանուէլ Պետրոսյան՝ 6 միավոր
• Սամվել Տեր-Սահակյան՝ 6 միավոր
• Մամիկոն Ղարիբյան՝ 5.5 միավոր
• Էմին Օհանյան՝ 5 միավոր
•  Էրիկ Հակոբյան՝ 4.5 միավոր
•  Էրիկ Գասպարյան՝ 4.5 միավոր
•  Արսեն Դավթյան՝ 4.5 միավոր
• Հովիկ Հայրապետյան՝ 4 միավոր
• Ռոբերտ Փիլիպոսյան՝ 4 միավոր
• Ստեֆան Պոգոսյան՝ 4 միավոր
• Ալեքս Սահակյան՝ 4 միավոր
• Բենիկ Ագասարով՝ 3.5 միավոր
• Վահե Դանիելյան՝ 3 միավոր

Ֆոտո՝ ՀՇՖ մամուլի ծառայություն