ՈՒԵՖԱ-ն հրապարակել է Հայաստան – Հունգարիա հանդիպման մրցավարական կազմը:
Խաղի մրցավար է նշանակվել իսպանացի Խոսե Մարիա Սանչեսը: Եզրերում նրան կօգնեն Ռաուլ Կաբանյերոն ու Ինյիգո Պրիետոն: Չորրորդ պաշտոնյան Խուան Մարտինես Մունուերան է:
Տեսաօգնականը Կառլոս Դել Սերո Գրանդեն է, նրա օգնականը՝ Վալենտին Գոմեսը:
Խոսե Մարիա Սանչեսը երկու անգամ է սպասարկել Հայաստանի հավաքականի խաղերը. 2021 թվականին Հայաստանի թիմը 0-5 հաշվով պարտվել է Հյուսիսային Մակեդոնիային, իսկ 2023-ին՝ 1-2 հաշվով Թուրքիային:
ԱԱ-2026-ի եվրոպական գոտու ընտրական մրցաշարի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
