Ֆուտբոլի Հայաստանի ազգային հավաքականը Չեխիայի թիմի դեմ արտագնա ընկերական հանդիպումից առաջ նախախաղային մարզում անցկացրեց «Լետնա» ստադիոնում, Պրահայից հայտնում է VNews-ի թղթակիցը:
Մարզմանը մասնակցեցին Չեխիա ժամանած բոլոր` 23 ֆուտբոլիստները։
Չեխիա - Հայաստան հանդիպումը կկայանա մարտի 26-ին, կմեկնարկի Երևանի ժամանակով 23:00-ին և կցուցադրվի «Ֆասթ Սպորտ» հեռուստաալիքի ուղիղ եթերում։
Հիշեցնենք, որ Հայաստանի ազգային հավաքականը մարտի 22-ին տնային ընկերական խաղում 0-1 հաշվով պարտվել էր Կոսովոյի թիմին:
