Ֆուտբոլի Հայաստանի ազգային հավաքականը մարտի 17-ին սկսեց մարզական հավաքը։ Նույն օրը երեկոյան Ալեքսանդր Պետրակովի գլխավորած թիմն առաջին մարզումն է անցկացրել։
Հայաստանի հավաքականին արդեն միացել են հետևյալ ֆուտբոլիստները.
• Օգնյեն Չանչարևիչ - «Նոա»
• Արսեն Բեգլարյան - «Արարատ-Արմենիա»
• Ստանիսլավ Բուչնև - «Փյունիկ»
• Վարազդատ Հարոյան - «Ցինդաո Ուեստ Քոսթ» (Չինաստան)
• Գեորգի Հարությունյան - «Կրասնոդար» (Ռուսաստան)
• Ստյոպա Մկրտչյան - «Օսյեկ» (Խորվաթիա)
• Կամո Հովհաննիսյան - «Արարատ-Արմենիա»
• Էդգար Գրիգորյան - «Արարատ-Արմենիա»
• Սերգեյ Մուրադյան - «Նոա»
• Ժիրայր Մարգարյան - «Ուրարտու»
• Էրիկ Փիլոյան - «Ուրարտու»
• Էդուարդ Սպերցյան - «Կրասնոդար» (Ռուսաստան)
• Նարեկ Գրիգորյան - «Ֆարուլ» (Ռումինիա)
• Հովհաննես Հարությունյան - «Փյունիկ»
• Արթուր Սերոբյան - «Արարատ-Արմենիա»
• Արթուր Միրանյան - «Նոա»
Հայաստանի հավաքականի ճամբար էր ժամանել նաև «Նոայի» պաշտպան Հովհաննես Համբարձումյանը։ 33-ամյա ֆուտբոլիստը վնասվածքով էր միացել Հայաստանի հավաքականին և բուժզննումից հետո պարզ դարձավ, որ առաջիկա խաղերին նա չի կարող օգնել թիմին։ Նրան հայտացուցակում փոխարինել է «Փյույիկի» ֆուտբոլիստ Դավիդ Դավիդյանը։
Ազգային թիմին մարտի 18-ին կմիանան նաև պաշտպան Անդրե Կալիզիրը, կիսապաշտպան Վահան Բիչախչյանը, վինգեր Էդգար Սևիկյանն ու հարձակվող Հրանտ-Լեոն Ռանոսը: Հաջորդ օրն էլ հավաքականի ճամբար կժամանի կիսապաշտպան Ուգոչուկվու Իվուն, իսկ մարտի 20-ին՝ հարձակվողներ Նորբերտո Բրիասկո Բալեկյանն ու Լուկաս Սելարայանը:
Հայաստանի հավաքականը մարտի 18-ին՝ ժամը 17:00-ին, Ավանի ակադեմիայում կանցկացնի բաց մարզում, որին կհետևեն միայն մեդիայի ներկայացուցիչները:
Հիշեցնենք, որ Ալեքսանդր Պետրակովի գլխավորած թիմը մարտի 22-ին տարվա առաջին խաղում Վազգեն Սարգսյանի անվան «Հանրապետական» ստադիոնում կընդունի Կոսովոյի հավաքականին, իսկ չորս օր անց Պրահայում կհյուրընկալվի Չեխիայի ազգային թիմին: Երկու հանդիպումներն էլ ընկերական են:
Ֆոտո՝ ՀՖՖ մամուլի ծառայություն
