Ֆուտբոլի Հայաստանի ազգային հավաքականը ՖԻՖԱ-ի վարկանիշային աղյուսակում նահանջել է 2 տեղով և 104-րդն է, տեղեկացնում է գերատեսչության մամուլի ծառայությունը։
Առաջատարի դիրքը պահպանել է Իսպանիայի հավաքականը։ Լավագույն հնգյակում են Արգենտինայի, Ֆրանսիայի, Անգլիայի ու Պորտուգալիայի թիմերը։
Հայաստանի հավաքականը հոկտեմբերին անցկացրել է 2 հանդիպում ու կրել է նույնքան պարտություն։
ԱԱ-2026-ի եվրոպական գոտու ընտրական մրցաշարի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
