Հայաստանի լրագրողների ֆուտբոլի հավաքականը մայիսի 18-ից 20-ը Մոլդովայի մայրաքաղաք Կիշնևում կմասնակցի երկրորդ անգամ կայանալիք Chișinău Media European Cup միջազգային մրցաշարին։

Միջոցառմանը կմասնակցեն 8 լրագրողական թիմեր, այդ թվում՝ Հայաստանից, Մոլդովայից, Գերմանիայից, Վրաստանից, Լեհաստանից, Ռումինիայից, Իսրայելից և Ադրբեջանից։ Թիմերը կբաժանվեն երկու խմբի։ Հայաստանի եւ Ադրբեջանի թիմերը կլինեն տարբեր խմբերում և կարող են հանդիպել միայն եզրափակիչում։

Ֆուտբոլային մրցաշարի կազմակերպիչը Մոլդովայի մարզական լրագրողների ասոցիացիան է։ Հայաստանի լրագրողների թիմի գործընկերը FlyOne Armenia ավիաընկերությունն է։

Հիշեցնենք, որ Հայաստանի լրագրողները մասնակցել են մի շարք միջազգային մրցաշարերի, երեք անգամ դարձել են չեմպիոն ու բազմիցս գրավել են մրցանակային տեղեր։