Մինչև 19 տարեկան ֆուտբոլիստների Հայաստանի հավաքականը Երևանում անցկացրած ստուգողական խաղում 2։1 հաշվով հաղթել է Լիբանանի նույն տարիքային խմբի ընտրանուն։

Ֆուտբոլի ակադեմիայի խաղադաշտում տեղի ունեցած հանդիպման հաշիվը 8-րդ րոպեին բացել է Արայիկ Էլոյանը։ 56-րդ րոպեին հյուրերից դիպուկ հարվածով է պատասխանել Շադի Ջունին։ Իսկ վերջնական արդյունքը 98-րդ րոպեին սահմանել է Կարեն Դավթյանը՝ տեղեկացնում է ՀՖՖ-ն։

Մայիսի 27-ին մրցակիցները կանցկացնեն ևս մեկ համանման հանդիպում։