Հայտնի է այն վայրը, որտեղ տեղի կունենա Իսպանիայի Արքայական գավաթի խաղարկության եզրափակիչ խաղը «Բարսելոնայի» և «Սևիլյայի» միջև:
Վճռորոշ հանդիպման անցկացման վայր է ընտրվել «Ատլետիկոյի» նորակառույց մարզադաշտը՝ «Վանդա Մետրոպոլիտանոն»: Սա մադրիդյան ակումբի մարզադաշտի համար կլինի այսպիսի մակարդակի մրցաշարի առաջին եզրափակիչը:
Հանդիպումը տեղի է ունենալու ապրիլի 21-ին: Ավելի վաղ կային տեղեկություններ, որ «Բարսելոնան» մտադիր է փոխել խաղի անցկացման ժամկետը, քանի որ շատ խիտ խաղացանկ ունի:
