Ծանրամարտի Հայաստանի տղամարդկանց և կանանց ազգային հավաքականները շարունակում են նախապատրաստվել ապրիլի 1-ից 9-ը Խորվաթիայի Սպլիտ քաղաքում կայանալիք Եվրոպայի առաջնությանը:
Հայաստանի ծանրամարտի ֆեդերացիայի գլխավոր քարտուղար, տղամարդկանց հավաքականի գլխավոր մարզիչ Փաշիկ Ալավերդյանը ՀԱՕԿ լրատվականին տրամադրել է Եվրոպայի առաջնություն մեկնող մարզիկների ցուցակը:
Նրանք են. 85 կգ՝ Անդրանիկ Կարապետյան, 94 կգ՝ Կարուշ Ղուկասյան, 105 կգ՝ Սիմոն Մարտիրոսյան եւ Սարգիս Գասպարյան, +105 կգ՝ Գոռ Մինասյան եւ Ռուբեն Ալեքսանյան:
Կանանց հավաքականի գլխավոր մարզիչ Արտաշես Ներսիսյանն էլ թիմում ընդգրկել է 58 կգ քաշային Իզաբելլա Յայլյանին, 75 կգ Սոնա Պողոսյանին եւ 90 կգ Տաթեւ Հակոբյանին:
«Այս Եվրոպայի առաջնությանը մեկնելու են միայն այն մարզիկները, որոնք կարող են մեդալ նվաճել: Սակայն կարող են ընդգրկվել նաև այն մարզիկները, որոնք դեռ երիտասարդ են, որպեսզի հասկանանք, թե ինչպես են դրսևորում իրենց մեծահասակների մրցաշարերում:
Հիմա մենք որոնումների մեջ ենք, որպեսզի մեր թիմը 8 հոգով կարողանա մասնակցել Աշխարհի առաջնությանը: Նույնը արվել է Սիմոն Մարտիրոսյանի հետ»,-ասել է ծանրամարտի հավաքականի գլխավոր մարզիչ Փաշիկ Ալավերդյանը:
