Ֆուտբոլի Իսպանիայի հավաքականի կիսապաշտպան Ռոդրին չի կարողացել շարունակել Եվրո-2024-ի եզրափակիչի հանդիպումն անգլիացիների դեմ։

Անգլիական «Մանչեսթեր Սիթիի» 28-ամյա ֆուտբոլիստը ընդմիջմանը փոխարինվել է և դաշտում տեղը զիջել է Սան Սեբաստիանի «Ռեալ Սոսիեդադի» կիսապաշտպան Մարտին Սուբիմենդիին։

Marca-ն փոխանցում է, որ Ռոդրին առաջին խաղակեսի վերջնամասում, բախվելով իր թիմակից Էմերիկ Լապորտին, վնասվածք է ստացել։ Այդ դրվագում կիսապաշտպանը փակել էր անգլիացիների հարձակվող Հարի Քեյնի հարվածը։