Հայտնի են դարձել NBA-ի Բոլոր աստղերի ուիքենդի ժամանակ կայանալիք դանքերի մրցույթի բոլոր 4 մասնակիցները, գրում է ինսայդեր Շեյմս Չարանիան:

Վերջին մասնակիցն է դարձել նախորդ 2 տարիների հաղթող Մեկ Մակլանգը: 188 սմ հասակ ունեցող բասկետբոլիստը այժմ խաղում է NBA-ի Զարգացման լիգայում:

Մակլանգի հաղթարշավը կփորձեն ընդհատել 2024 թվականին դրաֆթում ընտրված և լիգայում առաջին մրցաշրջանն անցկացնող Ստեֆոն Կասլը («Սան Անտոնիո»), Մատաս Բուզելիսը («Չիկագո») և «Միլուոկիում» երկրորդ տարին անցկացնող Անդեր Ջեքսոն Ջունիորը: