Յուրգեն Կլոպի «Լիվերպուլն» այն թիմն է, որն ուշադրություն է դարձնում խաղի հետ կապված յուրաքանչյուր մանրուքի:
Ֆուտբոլային հոգեբանությունը ուսումնասիրող Գեյր Ժորդետը հետաքրքիր օրինաչափություն է նկատել «Բրայթոն» - «Լիվերպուլ» խաղի ժամանակ, երբ 61-րդ րոպեին Մոհամեդ Սալահը մոտեցել է իրացնելու 11-մետրանոց հարվածը:
«Երբեմն առաջատարի որակները երևում է այն ժամանակ, երբ խաղընկերներիդ համար կանխում ես հնարավոր վտանգները՝ ֆիզիկապես գտնվելով նրանց կողքին»,- գրել է հոգեբանն իր թվիթերում:
Ընթացիկ մրցաշրջանում մերսիսայդցիների ավագ Ջորդան Հենդերսոնը ավելի հաճախ է կատարում «թիկնապահի» պարտականություններ, երբ եգիպտացին մոտենում է 11-մետրանոց նշակետին: «Բրայթոնի» դեմ խաղում անգլիացին, բառի բուն իմաստով, թիկունքով փակել էր Սալահին, որպեսզի վերջինիս ապահովագրի մրցակցի ֆուտբոլիստների ճնշումներից և թույլ տա կենտրոնանալ հարվածի վրա:
Երբ «Բրայթոնի» ֆուտբոլիստը ցանկանում է մոտենալ, Հենդերսոնը ուշադրություն է գրավում իր վրա՝ մրցակցի խաղացողին զրկելով Սալահի հետ կոնտակտի հնարավորությունից:
Նման մեկ դեպք էլ տեղի է ունեցել «Ասթոն Վիլայի» հետ հանդիպման ժամանակ, երբ «Լիվերպուլի» առաջատարը կանխել է բիրմինգհեմյան ակումբի խաղացող Էմի Մարտինեսի փորձերը:
Հատկանշական է՝ 2021 թվականի սեպտեմբերի 25-ի խաղում «Մանչեսթեր Յունայեդի» ֆուտբոլիստները Բրունու Ֆերնանդեշին չեն պաշտպանել նույն Մարտինեսից. արդյունքում պորտուգալացին վրիպել է:
