Հայաստանի ազգային հավաքականի դարպասապահ Հենրի Ավագյանը հեղինակավոր BBC Sport-ի օգտատերերի քվեարկության արդյունքում ճանաչվել է Իռլանդիայի թիմի դեմ ԱԱ-2026-ի եվրոպական գոտու ընտրական մրցաշարի հերթական տուրի խաղի (0-1) լավագույն ֆուտբոլիստ:
Հայաստանի հավաքականի դարպասապահի խաղն արժանացել է 6.52 գնահատականին: Ավագյանից բացի, 6-ից բարձր գնահատական ստացել է նաև Իռլանդիայի հավաքականի դարպասապահը՝ Կուիվին Կելեհերը (6.11): Երրորդը Լուկաս Սելարայանն է, որը ստացել է 5.9 գնահատական: 5.7 գնահատականով Էդուարդ Սպերցյանը չորրորդն է:
Համեմատության համար նշենք, որ WhoScored-ի վարկածով խաղի լավագույն ֆուտբոլիստն իռլանդացիների պաշտպան Ռայան Մենինգն է (8.2), Հենրի Ավագյանը ստացել է 7.4 գնահատականը: Մենինգը լավագույնն է նաև SofaScore-ի վարկածով (8.5): Այս վիճակագրական ռեսուրսն Ավագյանի խաղը գնահատել է 7.5 միավոր:
Եղիշե Մելիքյանի գլխավորած թիմը 3 միավորով չորրորդ տեղում է ընտրական մրցաշարի F խմբում։ Խմբի առաջատար Պորտուգալիան ունի 10, Հունգարիան` 5, Իռլանդիան` 4 միավոր։
Հայաստանի հավաքականը հաջորդ հանդիպումը կանցկացնի նոյեմբերի 13-ին` սեփական դաշտում մրցելով Հունգարիայի թիմի դեմ։
Կարդացեք նաև՝
- Մելիքյան. «Կարմիր քարտը կոտրեց մեր խաղը»
- Հալգրիմսոն. «Երբ հայերը մնացին 10 ֆուտբոլիստով, սկսեցին ավելի համարձակ խաղալ»
- Հավաքականների ընտրական փուլ՝ Չեմպիոնների լիգայի ձևաչափով. լուրջ փոփոխություն է քննարկվում
- Հայաստանի հավաքականի 3 ֆուտբոլիստ «անփոխարինելի» է
- «Իռլանդիայի հավաքականն այն թիմը չէր, որին պիտի պարտվեինք». Գևորգ Կասպարով
- Ավագյան. «Մեղավորներ փնտրելու փոխարեն մենք աշխատում ենք սխալներն ուղղելու վրա»
- Իռլանդիա - Հայաստան խաղում Սպերցյանն ամենաշատն է հպվել գնդակին
ԱԱ-2026-ի եվրոպական գոտու ընտրական մրցաշարի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
