Իտալիայի առաջնության 20-րդ տուրում փոխչեմպիոն Միլանի «Ինտերը», որի կազմում ելույթ է ունենում Հայաստանի ազգային հավաքականի նախկին կիսապաշտպան Հենրիխ Մխիթարյանը, հյուրընկալվելիս կամային հաղթանակ տարավ հետնապահ «Կրեմոնեզեի» նկատմամբ (2-1):
34-ամյա հայ կիսապաշտպանը խաղադաշտ դուրս եկավ հյուրերի մեկնարկային կազմում ու անցկացրեց ամբողջական հանդիպում:
Հեղինակավոր WhoScored վիճակագրական ռեսուրսը 10 հնարավորից 7 միավոր է գնահատել հայ ֆուտբոլիստի խաղը:
Հանդիպման լավագույն ֆուտբոլիստ է ճանաչվել աշխարհի նորընծա չեմպիոն, արգենտինացի Լաուտարո Մարտինեսը (8,8 միավոր), որը դուբլ է ձևակերպել:
Ընթացիկ մրցաշրջանում Հենրիխ Մխիթարյանն իտալական ակումբի կազմում անցկացրած 25 պաշտոնական խաղում խփել է 2 գոլ ու կատարել 1 ասիստ:
