Ֆրանսիացի լեգենդար հարձակվող Թիերի Անրին կարծում է, որ ՊՍԺ-ն պետք է պաշտպանի Կիլիան Մբապեին: Անրին նշել է, որ խաղացողը պարտավոր չէ որևէ մեկին ապացուցել իր խաղամակարդակը։
«Փարիզը Մբապեի տեղն է։ Իհարկե, նա պետք է ցուցադրի իր լավագույն խաղամակարդակը։ Ընդ որում, կարիք չկա որևէ մեկին որևէ բան ապացուցելու։
Այժմ մարզիչը պետք է հարձակման գծում եռյակի համար ճանապարհ գտնի ու ուրախացնի նրանց։ ՊՍԺ-ում անընդհատ բանավեճեր են ընթանում. սա հին խնդիր է։
Նրանք հաղթեցին 5-2 հաշվով, և հիմա խոսում են Մբապեի մասին։ Նեյմարը նույն իրավիճակում էր նախորդ մրցաշրջանում»,- Անրիի խոսքը մեջբերում է Daily mail-ը:
Հիշեցնենք, որ ՊՍԺ-ի բրազիլացի հարձակվող Նեյմարը «Մոնպելյեի» նկատմամբ հաղթանակից հետո Թվիթերում հավանել էր ակումբակից, ֆրանսիացի հարձակվող Կիլիան Մբապեին քննադատող երկու հրապարակումներ:
Ֆրանսիայի Լիգա 1-ի երկրորդ տուրում կայացած խաղում գործող չեմպիոնի կազմում 11-մետրանոցից վրիպել էր Կիլիան Մբապեն, իսկ Նեյմարը դիպուկ էր հարվածել նշակետից:
