«Մանչեսթեր Յունայթեդը» համաձայնության է հասել «Լայպցիգի» հետ Բենյամին Շեշկոյի տեղափոխության հարցում, գրում է Ֆաբրիցիո Ռոմանոն:
Անգլիական գրանդը «Լայպցիգին» կվճարի 76.5 միլիոն եվրո, որը կարող է հասնել 85 միլիոնի՝ հաշվի առնելով հավելավճարները:
«Մանչեսթեր Յունայթեդը» սլովենացի հարձակվողի հետ արդեն համաձայնեցրել էր անձնական պայմանագրի բոլոր կետերը: 22-ամյա ֆուտբոլիստը կկնքի 5 տարվա պայմանագիր:
Շեշկոյի տրանսֆերի հարցով «Լայպցիգին» պաշտոնական առաջարկ էր ներկայացրել նաև «Նյուքասլը», որի առաջարկի ֆինանսական պայմանները նույնիսկ ավելի շահավետ էին, քան մանկունիական ակումբինը, բայց Շեշկոյի որոշումը հստակ է՝ տեղափոխվել «Մանչեսթեր Յունայթեդ»:
