Մյունխենի «Բավարիայի» հարձակվող Հարի Քեյնը ռեկորդային 5-րդ անգամ ճանաչվել է ակումբի ամսվա լավագույն ֆուտբոլիստ։

Գերմանական գրանդի պաշտոնական կայքը հայտնում է, որ Քեյնը «Բավարիայի» առաջին ֆուտբոլիստն է, որ մրցաշրջանի ընթացքում 5 անգամ դարձել է ամսվա լավագույն ֆուտբոլիստ։

Անգլիացին լավագույնն է ճանաչվել մայիսին և քվեարկությամբ առաջ է անցել ավստրիացի կիսապաշտպան Կոնրադ Լայմերից ու կանադացի պաշտպան Ալֆոնսո Դևիսից։

Ավարտված 2023/24 մրցաշրջանում 30-ամյա Քեյնը 45 խաղում խփել է 44 գոլ, կատարել 12 գոլային փոխանցում։