Հայաստանի ազգային հավաքականի ու Մյոնխենգլադբախի «Բորուսիայի» հարձակվող Հրանտ-Լեոն Ռանոսը վերականգնվել է մկանային վնասվածքից, հաղորդում է ակումբի մամուլի ծառայությունը։
«Հոֆենհայմի» դեմ դեկտեմբերի 21-ին Բունդեսլիգայում կայանալիք խաղից առաջ 21-ամյա ֆուտբոլիստը մարզվել է թիմի ընդհանուր խմբի հետ։
Ընթացիկ մրցաշրջանում Ռանոսը գերմանական ակումբի կազմում մասնակցել է մեկ խաղի՝ խաղադաշտում անցկացնելով 9 րոպե: «Բորուսիայի» երիտասարդական թիմի կազմում հարձակվողն անցկացրել է չորս հանդիպում, խփել երեք գոլ և կատարել երկու ասիստ:
Ավելի վաղ լուրեր էին շրջանառվում, որ ձմեռային տրանսֆերային պատուհանի ժամանակ Հրանտ-Լեոն Ռանոսը կարող է վարձավճարով տեղափոխվել Բունդեսլիգա-2-ը ներկայացնող Դյուսելդորֆի «Ֆորտունա»։
