Անհավանական վերջաբան է ունեցել NBA-ի կանոնավոր առաջնության «Մայամի» – «Քլիվլենդ» հանդիպումը:
Լրացուցիչ ժամանակի ավարտից 0,4 վայրկյան առաջ հաշիվը հավասար է եղել՝ 138:138: Եզրից գնդակը խաղի մեջ է մտցրել Նիկոլա Յովիչը, որն ալեյ-ուփ փոխանցում է կատարել, և Էնդրյու Ուիգինսը դանք է գրանցել:
«Հիթը» հաղթել է 140:138 հաշվով:
Հանդիպումից հետո «Մայամիի» գլխավոր մարզիչ Էրիկ Սպոելստրան հայտարարել է, որ 4 տարի այդ կոմբինացիան խաղարկելու առիթ է փնտրել:
11 խաղից հետո «Մայամին» ու «Քլիվլենդը» 7-ական հաղթանակով Արևելյան կոնֆերենցիայում կիսում են 3-4-րդ տեղերը:
NBA-ի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում և Fast TV հավելվածում (iOS, Android):
