Լոնդոնի «Տոտենհեմի» վինգեր Հյոն Մին Սոնը պատրաստվում է նոր պայմանագիր կնքել անգլիական ակումբի հետ, հայտնում է 90min-ը։
Ակումբը հարավկորեացուն առաջարկել է նոր պայմանագիր, որի ժամկետը նախատեսված կլինի մինչև 2026 թվականի հունիսի 30-ը ներառյալ: Ֆուտբոլիստը տվել է նախնական համաձայնություն։ Սոնն ընթացիկ մրցաշրջանի մեկնարկից առաջ նշանակվել էր «Տոտենհեմի» ավագ։
31-ամյա ֆուտբոլիստը 2015 թվականին Լևերկուզենի «Բայերից» է տեղափոխվել «Տոտենհեմ», որի կազմում մասնակցել է 378 հանդիպման, խփել 148 գոլ և կատարել 80 գոլային փոխանցում։
Սոնն անգլիական ակումբի պատմության մեջ չորրորդ ամենաշատ խաղ անցկացրած ֆուտբոլիստն է, ինչպես նաև «Տոտենհեմի» պատմության մեջ երրորդ գլխավոր ռմբարկուն։ Ընթացիկ մրցաշրջանում վինգերը մասնակցել է 6 խաղի և խփել 3 գոլ։
