«Բարսելոնայի» ու Նիդերլանդների ազգային հավաքականի նախկին կիսապաշտպան Իբրահիմ Աֆելայն ընդգրկվել է ՊՍՎ-ի մարզչական շտաբում, հաստատում է Էյնդհովենը ներկայացնող ակումբի պաշտոնական կայքը։
Կողմերը պայմանագիր են ստորագրել, որը կգործի մինչև 2028թ. հուլիսի 1-ը։
39-ամյա մասնագետը կլինի ՊՍՎ-ի գլխավոր մարզիչ Պետեր Բոսի օգնականը։
Աֆելայը նախկինում աշխատել է «Ֆեյենորդի» համակարգում, իսկ Նիդերլանդների Մ19 հավաքականում 2023-25թթ. եղել է գլխավոր մարզչի օգնականը։
Նախկին ֆուտբոլիստը «Բարսելոնայում» հանդես է եկել 2011-15 թվականներին, 35 խաղում խփել է 2 գոլ, կատարել 1 ասիստ։ Նա նաև 7 գոլ ու 10 ասիստ է գրանցել Նիդերլանդների հավաքականում անցկացրած 53 խաղում։
