Իտալիայի գործող չեմպիոն «Միլանի» շվեդ հարձակվող Զլատան Իբրահիմովիչը մոտ է խաղադաշտ վերադառնալուն։
8 ամսվա ընդմիջումից հետո 41-ամյա ֆուտբոլիստը մարզվել է թիմի ընդհանուր խմբում, հաղորդում է ակումբի մամուլի ծառայությունը։
Իբրահիմովիչը նախորդ անգամ պաշտոնական հանդիպման մասնակցել է 2022 թվականի մայիսին, որից հետո ծնկի վիրահատության է ենթարկվել:
Ավելի վաղ հաղորդվում էր, որ Շվեդիայի հավաքականի նախկին ավագը խաղադաշտ կվերադառնա փետրվարի միջնամասում և կկարողանա մասնակցել Լոնդոնի «Տոտենհեմի» դեմ Չեմպիոնների լիգայի 1/8 եզրափակիչի առաջին խաղին (փետրվարի 14-ին):
Ա Սերիայի 20 տուրերից հետո «Միլանը» 38 միավորով 5-րդ տեղում է և հաջորդ տուրում փետրվարի 5-ին կմրցի «Ինտերի» հետ:
