Աշխարհի առաջին ռակետ Իգա Շվյոնտեկը դարձավ Հռոմի «Մասթերսի» կանանց մենախաղի հաղթող:
Լեհ թենիսիստուհին եզրափակիչում երկու սեթում 6-2, 6-3 հաշվով հաղթեց աշխարհի երկրորդ ռակետ, բելառուս Արինա Սոբոլենկոյին: Մրցախաղը տևեց 1 ժամ 29 րոպե:
22-ամյա թենիսիստուհու համար WTA-ի մրցաշարերում չորրորդ տիտղոսն է մրցաշրջանում, 21-րդը՝ կարիերայում: Երկու շաբաթ առաջ Շվյոնտեկը Մադրիդի «Մասթերսի» եզրափակիչում հաղթել էր նույն Սոբոլենկոյին:
