NBA-ի օրվա կենտրոնական խաղերից մեկում մրցել են «Լոս Անջելես Լեյքերսը» և «Գոլդեն Սթեյթ Ուորիորզը»։ Հյուրերը հաղթանակի են հասել 115։113 հաշվով։
Վերջին քառորդի մեկնարկում չեմպիոնը 14 միավորի առավելություն է ունեցել, սակայն նաև պահեստային խաղացողների, այնուհետև Դրեյմոնդ Գրինի ու Ստեֆեն Կարիի հիանալի խաղի շնորհիվ «Գոլդեն Սթեյթը» հաղթանակ է կորզել։ Կարին հանդիպման ընթացքում անհաջող է իրացրել հեռահար նետումները, սակայն ամենակարևոր պահին ձեռնունայն է թողել Էնթոնի Դևիսին և հաղթական 3-միավորանոց իրացրել։ Ստեֆը 26 միավորով հանդիպման ամենաարդյունավետ բասկետբոլիստն է դարձել։
Այդուհանդերձ, «Լեյքերսը» հնարավորություն է ունեցել հաղթել։ Վերջին վայրկյանին Լեբրոն Ջեյմսի հեռահար նետումը շեղ է ստացվել։
Արևմտյան կոնֆերենցիայում «Լեյքերսը» 11 հաղթանակով մնացել է առաջին տեղում, իսկ «Ուորիորզը» 7 հաղթանակով բարձրացել է ութերորդ հորիզոնական։
