Իտալիայի Ա Սերիայի 22-րդ տուրում «Լեչեին» հաղթելուց (4-0) հետո «Ինտերի» գլխավոր մարզիչ Սիմոնե Ինձագին գերազանցել է Մասիմիլիանո Ալեգրիի ռեկորդը, հայտնում է առաջնության մամուլի ծառայությունը։
48-ամյա Ինձագին Իտալիայի առաջնության պատմության մեջ ամենաարագն է 200 հաղթանակ տարել։ Այդ ցուցանիշին նա հասել է 332 խաղում, իսկ Ալեգրին` 338։
Սիմոնե Ինձագին, բացի «Ինտերից», Ա Սերիան ներկայացնող ակումբներից 2016-2021թթ. մարզել է նաև «Լացիոն»։
Ա Սերիայի բոլոր հանդիպումները՝ Fast TV հավելվածում (iOS, Android):
