Ամերիկյան «Ինտեր Մայամին» ավարտել է ելույթը ԿՕՆԿԱԿԱՖ-ի Չեմպիոնների լիգայում։

Քառորդ եզրափակիչի պատասխան խաղում MLS-ի ներկայացուցիչը հյուրընկալվելիս 1-3 հաշվով պարտվել է մեքսիկական «Մոնտերեյին», որը հաղթել էր նաև առաջին հանդիպումը (2-1)։

Հյուրերը հեղինակության գոլը խփել են 86-րդ րոպեին, երբ ասիստի հեղինակ է դարձել վնասվածքից վերջերս ապաքինված արգենտինացի հարձակվող Լիոնել Մեսին։ 78-րդ րոպեին «Ինտեր Մայամին» 10 ֆուտբոլիստով է մնացել իսպանացի պաշտպան Ժորդի Ալբայի հեռացման պատճառով։

«Ինտեր Մայամիի» մեկնարկային կազմում առանց փոխարինման խաղացել են ուրուգվայցի հարձակվող Լուիս Սուարեսը և իսպանացի կիսապաշտպան Սերխիո Բուսկետսը։

Կիսաեզրափակիչում «Մոնտերեյի» մրցակիցը կլինի ամերիկյան «Քլոամբուս Քրյուն», որը երկու խաղերի արդյունքում պայքարից դուրս է թողել մեքսիկական «Տիգրեսին» (1-1, 2-1)։

ԿՕՆԿԱԿԱՖ-ի Չեմպիոնների լիգա, քառորդ եզրափակիչ, պատասխան հանդիպում

«Մոնտերեյ» - «Ինտեր Մայամի»՝ 3-1

Բրանդոն Վասկես, 31, Գերման Բերտերամե, 58, Խեսուս Գալարդո, 64 – Դիեգո Գոմես, 89

Հեռացում՝ Ժորդի Ալբա, 78 («Ինտեր Մայամի»)