Արգենտինացի կիսապաշտպան Բալտասար Ռոդրիգեսը կարիերան կշարունակի «Ինտեր Մայամիում», հայտնում է ամերիկյան ակումբի մամուլի ծառայությունը:

Արգենտինայի Մ23 հավաքականի ֆուտբոլիստը «Ռասինգից» է վարձակալական հիմունքով տեղափոխվել «Ինտեր Մայամի»: Ֆլորիդան ներկայացնող թիմն իրավունք ունի գնելու երիտասարդ կիսապաշտպանի տրանսֆերային իրավունքը:

Արգենտինական ակումբում Ռոդրիգեսը 68 խաղում 7 գոլ է խփել ու կատարել է 4 ասիստ:

Բալտասար Ռոդրիգեսը Խավիեր Մասկերանոյի գլխավորած թիմի 9-րդ արգենտինացի ֆուտբոլիստն է: