Չեմպիոնների լիգայում հոկտեմբերի 4-ին կայացան խմբային փուլի երրորդ տուրի առաջին խաղային օրվա հանդիպումները:

C խմբում ընդգրկված Միլանի «Ինտերը» սեփական խաղադաշտում 1-0 հաշվով հաղթեց կատալոնական «Բարսելոնային»: Իտալական ակումբի հաղթական գոլն առաջին խաղակեսի ավելացված ժամանակում խփեց 28-ամյա կիսապաշտպան Հաքան Չալհանօղլուն:

«Ինտերի» կազմում ամբողջ խաղին մասնակցեց Հայաստանի հավաքականի նախկին ավագ Հենրիխ Մխիթարյանը:

Ավելի վաղ այս խմբի մյուս խաղում Մյունխենի  «Բավարիան» 5-0 հաշվով հաղթել էր չեխական  «Վիկտորիա Պլզենին»:

«Բավարիան» 9 միավորով խմբի առաջատարն է, «Ինտերը» 6 միավորով 2-րդն է, «Բարսելոնան» ունի 3 միավոր, իսկ չեխական թիմը կրել է 3 պարտություն:

B խմբում 3-րդ անընդմեջ հաղթանակը տարավ բելգիական «Բրյուգեն»՝ տանը 2-0 հաշվով առավելության հասնելով Մադրիդի «Աթլետիկոյի» նկատմամբ:

Խմբի մյուս խաղում պորտուգալական «Պորտուն» սեփական խաղադաշտում 2-0 հաշվով ուժեղ գտնվեց Լևերկուզենի «Բայերից»:

«Բրյուգեն» 9 միավորով խմբի առաջատարն է, «Բայերը», «Պորտուն» և «Աթլետիկոն» 3-ական միավորով բաժանում են 2-4-րդ տեղերը:

A խմբում անգլիական «Լիվերպուլը» սեփական խաղադաշտում 2-0 հաշվով հաղթեց շոտլանդական «Գլազգո Ռեյնջերսին», իսկ իտալական «Նապոլին» հյուրընկալվելիս շանս չտվեց հոլանդական «Այաքսին»՝ 6-1:

«Նապոլին» 9 միավորով առաջատարն է, «Լիվերպուլը» 6 միավորով 2-րդն է, «Այաքսը» 3 միավոր ունի, «Ռեյնջերսը» պարտվեց երրորդ խաղում:

D խմբում գոլազուրկ ոչ-ոքի խաղացին Ֆրանկֆուրտի «Այնտրախտն» ու Լոնդոնի «Տոտենհեմը»: Ավելի վաղ խմբի մյուս խաղում ֆրանսիական  «Մարսելը» 4-1 հաշվով հաղթել էր Լիսաբոնի  «Սպորտինգին»:

«Սպորտինգը» 6 միավորով առաջատարն է, «Տոտենհեմն» ու «Այնտրախտն» ունեն 4-ական միավոր, «Մարսելը»` 3:

Չեմպիոնների լիգա, խմբային փուլ, 3-րդ տուր

A խումբ

«Այաքս» (Նիդեռլանդներ) - «Նապոլի» (Իտալիա)՝ 1-6  (տեսանյութ) 

Մոհամեդ Կուդուս, 9 - Ջակոմո Ռասպադորի, 18, 47, Ջովանի Դի Լորենցո, 33, Պյոտր Զելինսկի, 45, Խվիչա Կվարացխելյա, 63, Ջովանի Սիմեոնե, 81

Հեռացում՝ Դուշան Տադիչ, 73 («Այաքս») 

«Լիվերպուլ» (Անգլիա) - «Ռեյնջերս» (Շոտլանդիա)՝ 2-0  (տեսանյութ) 

Տրենտ Ալեքսանդր-Առնոլդ, 7, Մոհամեդ Սալահ, 53

B խումբ

«Բրյուգե» (Բելգիա) - «Աթլետիկո» (Իսպանիա)՝ 2-0  (տեսանյութ) 

Կամալ Սովա, 36, Ֆերան Ժուտգլա, 62

Չիրացված 11-մետրանոց` Անտուան Գրիզման, 76 («Աթլետիկո»)

«Պորտու» (Պորտուգալիա) - «Բայեր Լևերկուզեն» (Գերմանիա)՝ 2-0  (տեսանյութ) 

Զայդու Սանուսի, 69, Վենդերսոն Գալենո, 86

C խումբ

«Ինտեր» (Իտալիա) - «Բարսելոնա» (Իսպանիա)՝ 1-0  (տեսանյութ) 

Հաքան Չալհանօղլու, 45+2

«Բավարիա» (Գերմանիա) - «Վիկտորիա Պլզեն» (Չեխիա)՝ 5-0 (տեսանյութ) 

Լերոյ Սանե, 7, 50, Սերժ Գնաբրի, 13, Սադիո Մանե, 21, Էրիկ Մաքսիմ Չուպո-Մոտինգ, 59

D խումբ

«Այնտրախտ Ֆրանկֆուրտ» (Գերմանիա) - «Տոտենհեմ» (Անգլիա)՝ 0-0  (տեսանյութ)

«Մարսել» (Ֆրանսիա) - «Սպորտինգ» (Պորտուգալիա)՝ 4-1 (տեսանյութ) 

Ալեքսիս Սանչես, 13, Ամին Հարիթ, 16, Լեոնարդո Բալերդի, 28, Չանսել Մբեմբա, 84 - Ֆրանսիշկու Տրինկան, 1

Հեռացում՝ Անտոնիո Ադան, 23 («Սպորտինգ»)