Միլանի «Ինտերի» պաշտպան Ալեսանդրո Բաստոնին կարծիք է հայտնել Իտալիայի Ա Սերիայի առաջատար «Նապոլիի» հետ չեմպիոնական մրցավազքի վերաբերյալ:
««Ինտերն» այս մրցաշրջանում չի ցուցադրում իր ուժերի առավելագույնը, այդ պատճառով էլ այդքան մեծ է միավորների տարբերությունն առաջատարի հետ, սակայն նրանց դեմ խաղում ցույց տվեցինք, որ կարող ենք մրցակցել ցանկացած թիմի հետ:
Մեր թիմը շարունակում է զարգանալ: Տարբերությունը հսկայական է, սակայն շարունակում ենք երազել Սկուդետոն նվաճելու մասին»,- իտալացու խոսքը մեջբերում է Sport Mediaset-ը:
Հիշեցնենք, որ Իտալիայի առաջնության 21-րդ տուրից հետո «Նապոլին» 56 միավորով առաջատարն է ու երկրորդ տեղում գտնվող «Ինտերին» գերազանցում է 13 միավորով: 16-րդ տուրում կայացած խաղում միլանյան գրանդը տանը նվազագույն հաշվով հաղթել էր Լուչիանո Սպալետիի գլխավորած թիմին:
