Իտալական «Ինտերը» երկարաձգել է պայմանագրերն իտալացի պաշտպան Ալեսանդրո Բաստոնիի և թուրք կիսապաշտպան Հաքան Չալհանօղլուի հետ, հայտնում է ակումբի մամուլի ծառայությունը:

24-ամյա Բաստոնիի նոր պայմանագիրը նախատեսված է մինչև 2028 թվականի հունիսի 30-ը: Իտալիայի հավաքականի ֆուտբոլիստը 2017 թվականի օգոստոսից է պաշտպանում «Ինտերի» մարզական պատիվը:

29-ամյա Չալհանօղլուի նոր պայմանագիրն ուժի մեջ կլինի մինչև 2027 թվականի հունիսի 30-ը: Թուրքիայի հավաքականի ավագը 2021 թվականի հուլիսից է խաղում Իտալիայի գավաթակրի կազմում: