Իտալիայի գավաթակիր Միլանի «Ինտերը» երկարաձգել է պայմանագիրն ակումբի տեխնիկական հովանավոր Nike-ի հետ։

Նոր պայմանագիրը նախատեսված է մինչև 2031 թվականը, հաղորդում է ակումբի մամուլի ծառայությունը։

Ոչ պաշտոնական տվյալներով, ամերիկյան ընկերությունը տարեկան 26 միլիոն եվրո կվճարի իտալական ակումբին։

Հիշեցնենք, որ միլանյան ակումբն ու Nike-ը համագործակցում են 1998 թվականից։ Իտալիայում միայն «Ինտերն» է խաղում ամերիկյան ընկերության պատրաստած համազգեստով։