Միլանի «Ինտերը» հետաքրքրված է անգլիական «Մանչեսթեր Յունայթեդի» կիսապաշտպան Մեյսոն Մաունթի ծառայություններով, հաղորդում է Todofichajes-ը:
Իտալական ակումբը կփորձի վարձակալել 26-ամյա անգլիացուն, իսկ հետո՝ ձեռք բերել նրա տրանսֆերային իրավունքը:
«Ինտերի» ղեկավարությունը մտադիր է մինչև ամռանն ԱՄՆ-ում կայանալիք աշխարհի ակումբային առաջնությունը երիտասարդացնել թիմի կիսապաշտպանությունը:
Ավելի վաղ հաղորդվում էր, որ մրցաշրջանի ավարտից հետո իտալական գրանդը կարող է խզել թիմի 36-ամյա կիսապաշտպան, Հայաստանի ազգային հավաքականի նախկին ավագ Հենրիխ Մխիթարյանի հետ պայմանագիրը:
