Իտալիայի հավաքականի և «Սասուոլոյի» կիսապաշտպան Դավիդե Ֆրատեզին կարիերան կշարունակի Միլանի «Ինտերում», հայտնում է ակումբի պաշտոնական կայքը:
23-ամյա ֆուտբոլիստն Իտալիայի գավաթակրի կազմում կխաղա վարձավճարով, իսկ գալիք մրցաշրջանի ավարտից հետո միլանյան գրանդը կգնի նրա տրանսֆերային իրավունքը: Գործարքը կարժենա 25 միլիոն եվրո:
Հիշեցնենք, որ ավարտված մրցաշրջանում Դավիդե Ֆրատեզին «Սասուոլոյի» կազմում մասնակցել էր 37 խաղի՝ դառնալով 7 գոլի հեղինակ:
