Անգլիայի հավաքականի ու «Լիվերպուլի» լեգենդար ֆուտբոլիստ Սթիվեն Ջերարդը բացատրել է Սաուդյան Արաբիայի «Ալ Իթիֆակ» ակումբը գլխավորելու որոշումը:
«Պատճառները շատ են, այս թիմում բազմաթիվ լավ մարդիկ կան: «Ալ Իթիֆակը» մեծ ընտանիք է: Աշխատանքի անցնելիս հիմնականում 3 բան եմ դիտարկում. առաջին հերթին այն պետք է հարմար լինի ընտանիքիս: Ֆուտբոլային ակումբի ծրագիրն ու ռազմավարությունը պետք է ճիշտ լինի, մարզիչն էլ իրեն անվտանգ զգա:
Շատ ոգևորված եմ ու անհամբերությամբ եմ սպասում մրցաշրջանի մեկնարկին»,- անգլիացու խոսքը մեջբերում է ակումբի մամուլի ծառայությունը:
Հիշեցնենք, որ մինչև «Ալ Իթիֆակը» գլխավորելը Սթիվեն Ջերարդը աշխատել էր շոտլանդական «Գլազգո Ռեյնջերսում» և անգլիական «Ասթոն Վիլայում»:
