Պորտուգալացի մասնագետ Վիտոր Պերեյրան հեռացվել է անգլիական «Վուլվերհեմփթոնի» գլխավոր մարզչի պաշտոնից, հաղորդում է լրագրող Բեն Ջեյքոբսը:
«Վուլվզը» 10 խաղում վաստակած 2 միավորով Պրեմիեր լիգայի վերջին` 20-րդ տեղում է:
1,5 ամիս առաջ ակումբը նոր` 3 տարվա պայմանագիր էր ստորագրել Պերեյրայի հետ: Պորտուգալացին անգլիական թիմը գլխավորում է նախորդ տարվա դեկտեմբերից:
Պրեմիեր լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
