«Մեծ սաղավարտի» մրցաշարերի 24-ակի հաղթող, սերբ Նովակ Ջոկովիչը նշել է Ավստրալիայի բաց առաջնությունում նվաճած ամենանշանակալի տիտղոսները:
«Առաջին տիտղոսն ամենաքաղցրն է, և վերջինը, որ այստեղ նվաճեցի 2023 թվականին: Յուրաքանչյուր տիտղոսն էլ թանկ է ինձ համար, բայց նշածս երկուսը յուրահատուկ են»,- մամուլի ասուլիսի ժամանակ ասել է աշխարհի նախկին առաջին ռակետը:
37-ամյա Ջոկովիչը Australian Open-ի 10-ակի հաղթող է: Նոր մրցաշրջանում նրա առաջին մրցակիցն ամերիկացի Նիշեշ Բասավարեդին է:
