«Մեծ սաղավարտի» մրցաշարերի 20-ակի չեմպիոն, աշխարհի առաջին ռակետ Նովակ Ջոկովիչը շահել է դատական գործն ու կարող է մասնակցել Ավստրալիայի բաց առաջնությանը՝ հաղորդում է Herald Sun-ը:
Դատավորը Նովակի ավստրալական վիզան չեղարկելու որոշումն «առանց որևէ հիմքի» է ճանաչել: Դատարանը որոշել է, որ Ջոկովիչն անհապաղ պետք է ազատ արձակվի կարանտինային հյուրանոցից, նրա իրերը պետք է վերադարձվեն:
Հիշեցնենք՝ Ջոկովիչն Ավստրալիայի բաց առաջնությանը մասնակցելու համար հունվարի 5-ին ժամանել է Ավստրալիա, սակայն սահմանային ծառայությունը նրան չի թույլատրել մուտք գործել երկիր կորոնավիրուսի դեմ պատվաստված չլինելու պատճառով: Ավստրալիայի իշխանությունները որոշել էին չեղարկել Նովակի վիզան ու արտաքսել նրան երկրից:
