Հայաստանի հավաքականի արդեն նախկին գլխավոր մարզիչ Ջոն վան'տ Սխիպը հայտարարել է, որ չէր ցանկանում հեռանալ իր պաշտոնից, բայց ընդունել է Հայաստանի ֆուտբոլի ֆեդերացիայի որոշումը, հայտնում է ՀՖՖ պաշտոնական կայքը:
«Ես հույս ունեի շարունակել համագործակցությունը Հայաստանի ազգային հավաքականի հետ, բայց հարգում եմ ՀՖՖ-ի՝ այլ ուղղությամբ գնալու որոշումը։
Ես հպարտ եմ կարճ ժամանակահատվածում մեր կատարած աշխատանքով և ցանկանում եմ շնորհակալություն հայտնել ֆուտբոլիստներին, աշխատակազմին և ֆեդերացիայի բոլոր աշխատակիցներին վստահության ու համագործակցության համար։
Մաղթում եմ թիմին միայն հաջողություններ առաջ շարժվելիս»,- ասել է Վան'տ Սխիպը:
Նիդերլանդցին Հայաստանում աշխատեց 5 ամիս: Նրան փոխարինել է «Փյունիկի» արդեն նախկին գլխավոր մարզիչ Եղիշե Մելիքյանը:
