«Վալենսիայի» նախկին դարպասապահ Սանտիագո Կանիսարեսը նշել է «Ոսկե գնդակը» հաղթելու իր 2 թեկնածուներին:
«Ուսման Դեմբելեին չեմ տեսնում «Ոսկե գնդակով»: Նա շատ լավ մրցաշրջան անցկացրեց, Լուիս Էնրիկեին հաջողվեց նրան ավելի ուժեղ ֆուտբոլիստ դարձնել: Տեսնենք՝ ինչ կարող է անել Յամալն Ազգերի լիգայում: Կարծում եմ՝ դեռ կլինեն մրցաշրջաններ, որոնցում Յամալը մրցակցությունից դուրս կլինի, բայց այս տարի նրան չի բավարարում վիճակագրությունը, նա նաև չի խաղացել Չեմպիոնների լիգայի եզրափակիչում:
Աշրաֆը հոյակապ տարի է անցկացրել, Վիտինյան էլ ՊՍԺ-ի առաջատարն է: Կարծում եմ՝ մրցանակը պիտի վիճարկվի Վիտինյայի ու Հաքիմիի միջև»,- Կանիսարեսի խոսքն է մեջբերում Marca-ն:
