Սաուդյան Արաբիայի Պրո լիգայի 30-րդ տուրում «Ալ Իթիհադը» մրցակցի դաշտում 3-2 հաշվով կամային հաղթանակ տարավ «Ալ Նասրի» դեմ խաղում։
Հյուրերն առաջին խաղակեսից հետո պարտվում էին 0-2 հաշվով, սակայն կարողացան քամբեք անել ու հաղթանակ կորզել ավելացված չորրորդ րոպեին։
Լորան Բլանի գլխավորած թիմից մեկական գոլ խփեցին ֆրանսիացի անվանի ֆուտբոլիստներ Նգոլո Կանտեն ու Կարիմ Բենզեման։
«Ալ Իթիհադը» 71 միավորով առաջին տեղում է և առաջնության ավարտից 4 տուր առաջ 6 միավորով առաջ է մոտակա հետապնդող «Ալ Հիլալից»։ «Ալ Նասրը» մնաց 60 միավորով և չորրորդն է։
Սաուդյան Արաբիայի Պրո լիգա, 30-րդ տուր
«Ալ Նասր» - «Ալ Իթիհադ»` 2-3 (տեսանյութ)
Սադիո Մանե, 3, Այման Յահյա, 37 - Կարիմ Բենզեմա, 49, Նգոլո Կանտե, 52, Հուսեմ Աուար, 90+4
