Լոնդոնի «Չելսիի» ֆրանսիացի կիսապաշտպան Նգոլո Կանտեն վնասվածք է ստացել Անգլիայի Պրեմիեր լիգայի 2-րդ տուրի՝ «Տոտենհեմի» դեմ խաղում (2-2):
SPORTbible-ի հաղորդմամբ` աշխարհի չեմպիոնի մոտ ախտորոշվել է ազդրի վնասվածք: Ֆուտբոլիստը շարքից դուրս է մնացել առնվազն 1 ամսով:
Հիշեցնենք, որ Կանտեի համաձայնագրի ժամկետն ավարտվում է 2023 թվականի ամռանը:
Նախորդ մրցաշրջանում 31-ամյա կիսապաշտպանը մասնակցել է լոնդոնյան ակումբի 42 հանդիպման, խփել 2 գոլ ու կատարել 5 գոլային փոխանցում:
