Մադրիդի «Ռեալի» պաշտպան Դանիել Կարվախալը մեկնաբանել է Լա Լիգայի 35-րդ տուրի «Սևիլիայի» դեմ խաղում մրցավարի որոշումը, որը «սերուցքայինների» օգտին 11-մետրանոցի փոխարեն այն նշանակել է նրանց դարպասին:
«Ինչպիսի խայտառակություն»,- իր թվիթերյան էջում գրել է իսպանացին:
Երկրորդ խաղակեսում անդալուզցիների իրացրած անկյունային հարվածից հետո Էդեր Միլիտաոն ձեռքով է խաղացել, սակայն մրցավարը դա չի նկատել և մադրիդցիներն արագ հակագրոհ են կազմակերպել, որի արդյունքում դարպասապահ Յասին Բունուն տուգանային հրապարակում խախտել է կանոնները Կարիմ Բենզեմայի նկատմամբ:
Մրցավար Խուան Մարտինես Մունուերան տեսակրկնություն դիտելուց հետո 11-մետրանոց է նշանակել «Սևիլիայի» օգտին:
