Մադրիդի «Ռեալի» պաշտպան Դանի Կարվախալը նշել է` որտեղ կցանկանար շարունակել կարիերան։

«Ես 32 տարեկան եմ և արդեն երեխա չեմ։ Հավանաբար, ֆուտբոլ կխաղամ ևս 4-5 տարի։ Դա շատ է, բայց ժամանակն արագ է անցնում։ Արդեն ասել եմ, որ եթե հեռանամ «Ռեալից», հանդես չեմ գա Եվրոպայում։ Չեմ պատրաստվում խաղալ «Ռեալի» դեմ Չեմպիոնների լիգայում կամ Իսպանիայում։

Կատարը կարող է դառնալ իմ կարիերայի հաջորդ կանգառը։ Խոսելուն ինձ ասում է. «Սպասվում եմ քեզ այստեղ և պահում եմ աջ պաշտպանի դիրքում քո տեղը»։ Այնտեղ բոլոր ստադիոնները մոտ են միմյանց, իսկ երկրում կյանքի որակը շատ բարձր է»,- Կարվախալի խոսքը մեջբերում է Esquire-ը։

Հիշեցնենք, որ իսպանացի պաշտպանն այժմ ապաքինվում է ծնկի խաչաձև կապանների ծանր վնասվածքից և ընթացիկ մրցաշրջանում այլևս խաղադաշտ դուրս չի գալու։ Կարվախալը «Ռեալի» հետ մինչև 2026 թ. հունիսի 30-ը գործող պայմանագիր ունի։

«Արքայական ակումբի» նախկին հարձակվող Խոսելուն այժմ հանդես է գալիս Կատարը ներկայացնող «Ալ Գարաֆայում»։ Նրա կինը Կարվախալի կնոջ զույգ քույրն է։