Իսպանական «Վալենսիայի» ուրուգվայցի հարձակվող Էդինսոն Կավանին կտեղափոխվի արգենտինական «Բոկա Խունիորս»: Այդ մասին սոցցանցերում հայտնել է լրագրող Սեբաս Ջովանելին:
36-ամյա ֆուտբոլիստը մեկնել է Բուենոս Այրես, որտեղ Արգենտինայի չեմպիոնի ղեկավարության հետ համաձայնեցրել է տրանսֆերը:
Կավանին նախորդ տարվա օգոստոսին էր միացել «Վալենսիային»: Հարձակվողը նախկինում խաղացել էր նաև անգլիական «Մանչեսթեր Յունայթեդում», ֆրանսիական ՊՍԺ-ում, իտալական «Պալերմոյում» և «Նապոլիում», ուրուգվայական «Դանուբիոյում»:
Հիշեցնենք, որ «Բոկա Խունիորսում» է խաղում Հայաստանի ազգային հավաքականի հարձակվող Նորբերտո Բրիասկո Բալեկյանը:
