Կարեն Դեմիրճյանի մարզահամերգային համալիրում այսօր՝ դեկտեմբերի 27-ին, կայացավ Հայաստանի տասը լավագույն մարզիկների մեծարման արարողությունը: Հայկական մարզական տարվա ամփոփիչ միջոցառմանը ներկա էին ՀՀ նախագահ Սերժ Սարգսյանը, Հայաստանի ազգային օլիմպիական կոմիտեի նախագահ Գագիկ Ծառուկյանը, սպորտի նախարար Հրաչյա Ռոստոմյանը, հայկական սպորտի առաջատար մարզիկները և մարզիչները:
Հայտնի դարձան Հայաստանի 2017թ. 10 լավագույն մարզիկները
Լավագույնների շարքում ընդգրկված Լևոն Արոնյանը չէր կարողացել ժամանել Հայաստան, քանի որ ներկայումս մասնակցում է արագ և կայծակնային շախմատի աշխարհի առաջնությանը: Հենրիխ Մխիթարյանն էլ գտնվում է «Մանչեսթեր Յունայթեդի» տրամադրության տակ և պատրաստվում է «Սաութհեմփթոնի» դեմ խաղին: Սակայն հայ ֆուտբոլիստը տեսաուղերձ հղեց ներկաներին՝ շնորհակալություն հայտնելով իր ջանքերը գնահատելու համար և շնորհավորելով հայ ժողովրդին առաջիկա տոների կապակցությամբ:
2017թ. լավագույն մարզիկները Hyundai ավտոմեքենաներ ստացան օլիմպիական կոմիտեի նախագահից, իսկ Սերժ Սարգսյանը լավագույններին հանձնեց դրամական պարգևներ: Բացի այդ, հանրապետության նախագահը անվանական զենք նվիրեց «Սպիտակ Արջին»:
Vivaronews.am-ի ֆոտոնկարիչ Աշոտ Ավագյանը ներկայացնում է միջոցառումը լուսանկարներով:
- 44
