տուր
01 Հունվար 1970 - 12:24
- Լոս Անջելեսում կայացել է Բասկետբոլի Ազգային Ասոցիացիայի (NBA) ամենամյա մրցանակաբաշխությունը: Երեկոյի ընթացքում անհատական պարգևներ են ստացել 2018/2019 մրցաշրջանի լավագույն բասկետբոլիստները:
Մրցաշրջանի ամենաարժեքավոր բասկետբոլիստի (MVP) մրցանակը բաժին է հասել «Միլուոքի Բագսի» կենտրոնական Յանիս Անտենտոկումպոյին: Նա օգնել է իր թիմին ամենից շատ հաղթանակները տանել մրցաշրջանում: Նա միջինում վաստակել է 27,7 միավոր, 12,5 ռիբաունդ, 5,9 փոխանցում, 1,3 խլում և 1,5 բլոքշոթ: Անվանակարգի լավագույն եռյակում տեղ են գտել նաև «Հյուսթոնի» ներկայացուցիչ Ջեյմս Հարդենն ու «Օկլահոմայի» թեթև հարձակվող Պոլ Ջորջը: Մրցանակաբաշխության ժամանակ երիտասարդ Յանիսը չի կարողացել զսպել արցունքները:
Տարվա լավագույն երիտասարդ բասկետբոլիստի մրցանակը ստացել է «Դալասի» ներկայացուցիչ Լուկա Դոնչիչը, լավագույն պահեստայինի/6-րդ խաղացողի կոչումը բաժին է հասել «Լոս Անջելես Կլիպերսի» բասկետբոլիստ Լու Ուիլյամսին, իսկ տարվա առաջխաղացումը գրանցել է «Տորոնտոյի» ծանր հարձակվող Պասկալ Սիակամը: Տարվա լավագույն մարզիչ է ճանաչվել «Միլուոքի Բագսի» ղեկին կանգնած Մայք Բուդենհոլզերը:
- 4
