Գերմանիայի գործող չեմպիոն Լևերկուզենի «Բայերը» Խաբի Ալոնսոյի գլխավորությամբ 50-րդ հաղթանակն է տարել Բունդեսլիգայում:
Իսպանացի մասնագետը գլխավոր մարզիչի պաշտոնում 50 հաղթանակի շեմը հատել է 75 խաղում:
Ըստ Opta վիճակագրական ռեսուրսի` Գերմանիայի առաջնության պատմության մեջ միայն Խոսեպ Գվարդիոլան է ավելի արագ հատել 50 հաղթանակի շեմը: Կատալոնացի մասնագետը, որը 2013-2016 թվականներին գլխավորել է Մյունխենի «Բավարիան», 61 խաղում է գրանցել 50 հաղթանակ:
