Ցինցինատիի «Մասթերսի» տղամարդկանց մենախաղի 1/16 եզրափակիչում անավարտ է մնացել Ալեքսանդր Զվերև - Բրենդոն Նակաշիմա մրցախաղը: Անձրևի պատճառով խաղն ընդհատվել է երկու անգամ:
Հանդիպումը շարունակվելու է օգոստոսի 13-ին, ընդ որում՝ կարող է տևել ընդամենը 1 գեյմ, քանի որ ընդհատվել է 6:4, 5:4 հաշվի ժամանակ:
Աշխարհի երրորդ ռակետը բրեյքով հաշվի մեջ առջևում է, և հենց նա է մատուցելու, երբ խաղը շարունակվի:
Զույգի հաղթողը կմրցի Կարեն Խաչանովի հետ, որը շարունակում է տպավորիչ արդյունքներ գրանցել:
