Իսպանական Լա լիգայի նախագահ Խավիեր Տեբասն անդրադարձել է Ֆրանսիայի հավաքականի ավագ Կիլիան Մբապեի տեղափոխությանը Մադրիդի «Ռեալ»:

«Աստղային ֆուտբոլիստի ձեռքբերումը ոչ միշտ է նշանակում, որ թիմը բարելավելու է արդյունքները: Այլ գործոններ էլ կան, մի մոռացեք, որ Կրոսն ու Նաչոն հեռանում են: Առանց Մբապեի «Ռեալն» առաջնության ավարտից 4 տուր առաջ ապահովեց չեմպիոնի կոչումը: Ֆրանսիացու գալը չի նշանակում, որ նրանք այս անգամ 8 տուր առաջ են ապահովելու հերթական տիտղոսը»,- 61-ամյա ֆունկցիոների խոսքը մեջբերում է ESPN-ը:

Հիշեցնենք, որ Կիլիան Մբապեն ընթացիկ տրանսֆերտային պատուհանի ժամանակ ազատ գործակալի կարգավիճակում հեռացել էր ֆրանսիական ՊՍԺ-ից ու 5 տարվա պայմանագիր էր կնքել «Արքայական ակումբի» հետ: