Բրիտանական Goal պարբերականը բլից հարցում է անցկացրել «Ռեալի» ու Գերմանիայի հավաքականի նախկին կիսապաշտպան Սամի Խեդիրայի հետ՝ պարզելու, թե ովքեր են բոլոր ժամանակների և ակտիվ լավագույն ֆուտբոլիստներն աշխարհում՝ ըստ դիրքերի:
Բոլոր ժամանակների լավագույն հարձակվողը, ըստ Խեդիրայի, բրազիլացի Ռոնալդոն է, իսկ ներկա պահին՝ Էռլինգ Հոլանդը:
Կիսապաշտպանի դիրքում Խեդիրան պատմության լավագույնին համարում է Զինեդին Զիդանին, իսկ ակտիվ ֆուտբոլիստների շրջանում՝ Ռոդրիին:
Գերմանացու կարծիքով՝ բոլոր ժամանակների լավագույն պաշտպանը Պաոլո Մալդինին է, իսկ դարպասապահը՝ Մանուել Նոյերը: Նույն դիրքերում ներկա պահին Խեդիրայի համար լավագույններն են Անտոնիո Ռյուդիգերն ու Տիբո Կուրտուան:
